ಪಲ್ಲವಿ ಅನುಪಲ್ಲವಿ ಇಂದ ಕಾಟ್ರು ವೆಳಿಯಿಡೈ ವರೆಗಿನ ಮಣಿ"ರತ್ನಂ" ರ ಸಿನಿಪಯಣ

ಪಲ್ಲವಿ ಅನುಪಲ್ಲವಿ ಇಂದ ಕಾಟ್ರು ವೆಳಿಯಿಡೈ ವರೆಗಿನ ಮಣಿ"ರತ್ನಂ" ರ ಸಿನಿಪಯಣ 

೮೦ ರ ದಶಕದಲ್ಲಿ "ನಗುವ ನಯನ ಮಧುರ" ಹಾಗೂ "ನಗು ಎಂದಿದೆ" ಎಂಬ ಸುಮಧುರ ಗೀತೆಗಳಿಂದ ಪ್ರಖ್ಯಾತಿ ಆಗಿದ್ದ ಪಲ್ಲವಿ ಅನುಪಲ್ಲವಿ ಎಂಬ ರಾಜ್ಯ ಪ್ರಶಸ್ತಿ ವಿಜೇತ ಚಿತ್ರವನ್ನು ನಿರ್ದೇಶಿಸಿದ್ದು ಮಣಿರತ್ನಂ ಎಂಬ ಕ್ರಿಯಾತ್ಮಕ ನಿರ್ದೇಶಕ,ಚಿತ್ರರಂಗದೊಂದಿಗೆ ಗುರುತಿಸಿಕೊಂಡಿದ್ದ ಕುಟುಂಬದಲ್ಲಿ ಜನಿಸಿದ್ದರೂ ಸಹ  ಆರಂಭಿಕ ದಿನಗಳಲ್ಲಿ ಚಿತ್ರರಂಗದ ನಿಕಟ ಸಂಪರ್ಕ ಇರಲಿಲ್ಲ,ಸಣ್ಣ ಕಥೆಯ ಎಳೆಯೊಂದಿಂಗೆ ಕನ್ನಡ ಚಿತ್ರರಂಗ ಪ್ರವೇಶಿಸಿದ ಮಣಿರತ್ನಂ ಸ್ನೇಹಿತರೊಡಗೂಡಿ ಪಲ್ಲವಿ ಅನುಪಲ್ಲವಿ ಚಿತ್ರವನ್ನು ತೆರೆ ಮೇಲೆ ತರುವಲ್ಲಿ ಯಶಸ್ವಿಯಾದರು,ನಂತರ ತೆರೆಕಂಡ ಕೆಲ ಚಿತ್ರಗಳು ಅಷ್ಟೊಂದು ಯಶಸ್ವಿ ಆಗದ ಕರಣ ಕೆಲ ಕಾಲ ತೆರೆ ಮರೆಯಾದರು,ಮಣಿರತ್ನಂಗೆ ಮತ್ತೆ ಯಶಸ್ಸು ತಂದು ಕೊಟ್ಟ ಚಿತ್ರವೇ "ಮೌನರಾಗಂ"(೧೯೮೬),ಆಗಿನ ಕಾಲದ ವಿವಾಹ ಪದ್ದತಿಯ ಮಹತ್ವ ಸಾರಿದ್ದ ಈ ಚಿತ್ರದ ಹಾಡುಗಳು ಎಲ್ಲರನ್ನು ಮೋಡಿ ಮಾಡಿತ್ತು,ಚಿತ್ರದ ನಾಯಕಿ ತನ್ನ ಪೋಷಕರ ಒತ್ತಾಯಕ್ಕೆ ಮಣಿದು ಒಲ್ಲದ ಮನಸ್ಸಿನಿಂದ ಮತ್ತೋರ್ವನನ್ನು ಮದುವೆಯಾಗುತ್ತಾಳೆ,ತನ್ನ ಹಳೆಯ ಪ್ರೇಮ ವೈಫಲ್ಯನ್ನು ನೆನೆದು ತನ್ನನ್ನು ಪ್ರೀತಿಸುವ ಗಂಡನನ್ನು ದ್ವೇಷಿಸಿ ಆತನಿಂದ ವಿವಾಹ ವಿಚ್ಛೇದನಕ ಪಡೆಯಲು ಸಹ ಸಿದ್ಧಳಾಗಿರುತ್ತಾಳೆ,ಕೊನೆಗೆ ಸಂಬಂಧದ ಮಹತ್ವ ಅರಿವಾಗಿ ಗಂಡನೊಡನೆ ಬದಕುವಂತಾಗುವುದು ಈ ಚಿತ್ರದ ಸಾರ.ಇತ್ತೀಚೆಗೆ ತೆರೆಕಂಡ ಓಕೆ ಕಣ್ಮಣಿ ಚಿತ್ರ ಈಗಿನ ಕಾಲದ ಪ್ರೇಮ ವಿವಾಹದದ ಬಗ್ಗೆ ಬೆಳಕು ಚೆಲ್ಲುತ್ತದೆ,ಕಾಲಘಟ್ಟಕ್ಕೆ ತಕ್ಕಂತೆ ತನ್ನನ್ನು ಬದಲಿಸಿಕೊಂಡ ಮಣಿರತ್ನಂ ಈ ವಿಷಯಕ್ಕಾಗಿಯೇ ಇಂದಿನ ಯುವ ಜನತೆಗೂ ಸಹ ಅಚ್ಚು ಮೆಚ್ಚು, ಭೂಗತ ಲೋಕದ ಡಾನ್ ಕುರಿತಾದ "ನಾಯಗನ್" ಚಿತ್ರ ೧೯೮೭ ರಲ್ಲಿ ತೆರೆಕಂಡಿತು,ಗಾಡ್ ಫಾದರ್ ಚಿತ್ರದ ಪ್ರೇರಣೆಯಿಂದ ಮೂಡಿಬಂದ ಚಿತ್ರ ಹಲವು ರಾಷ್ಟ್ರ ಪ್ರಶಸ್ತಿಗೆ ಬಾಜನವಾಯಿತು,ಕಮಲ್ ಹಾಸನ್ ನಟಿಸಿದ ಅತ್ಯುತ್ತಮ ಚಿತ್ರಗಳಲ್ಲಿ ಈ ಚಿತ್ರಕ್ಕೆ ಅಗ್ರಸ್ಥಾನ ದೊರಕಿರುತ್ತದೆ,ಟೈಮ್ಸ್ ಪ್ರಕಟಿಸಿದ ಸಾರ್ವಕಾಲಿಕ ೧೦೦ ಅತ್ಯುತ್ತಮ ಚಿತ್ರಗಳ ಪಟ್ಟಿಗೆ ಈ ಚಿತ್ರ ಸೇರಿದೆ,೧೯೯೧ ರಲ್ಲಿ ತೆರೆಕಂಡ "ದಳಪತಿ" ಚಿತ್ರ ಇಬ್ಬರು ಸ್ನೇಹಿತರ ನಡುವಿನ ಸಂಬಂಧದ ಕುರಿತಾಗಿತ್ತು,ಇಳಯರಾಜ ಸಂಯೋಜಿಸಿದ್ದ ಹಾಡುಗಳು ಎಲ್ಲರ ಕಿವಿಗಳಲ್ಲೂ ಗುನುಗುನಿಸಿತಿತ್ತು,ಒಬ್ಬ ನಟನಾಗಿ ರಜನಿಕಾಂತ್ ಪಾಲಿಗೆ ಈ ಚಿತ್ರ ಇಂದಿಗೂ ಸಹ ಅತ್ಯುತ್ತಮ ಚಿತ್ರವಾಗಿಯೇ ಉಳಿದಿದೆ.ಭಯೋತ್ಪಾದಕರ ಕರಾಳ ಮುಖವನ್ನು ತೆರೆದಿಟ್ಟ 'ರೋಜಾ' ಚಿತ್ರ ಉಳಿದ ಚಿತ್ರಗಳಿಗಿಂತ ಭಿನ್ನವಾಗಿಯೇ ಮೂಡಿಬಂದಿತ್ತು,ಏ ಆರ್ ರೆಹಮಾನ್ ಎಂಬ ಜಗದ್ವಿಖ್ಯಾತ ಸಂಗೀತ ನಿರ್ದೇಶಕ ಈ ಚಿತ್ರದ ಮೂಲಕವೇ  ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದು,ಈ ಚಿತ್ರ ಬಿಡುಗಡೆಯಾಗಿ ಇಂದಿಗೆ ೨೫ ವರ್ಷಗಳೇ ಆಗಿದೆ,ರೋಜಾ ಮೂಲಕ ಒಂದಾದ ಮಣಿರತ್ನಂ-ರೆಹಮಾನ್ ಜೋಡಿ ಇತ್ತೀಚೆಗೆ ಬಿಡುಗಡೆಯಾದ "ಕಾಟ್ರು ವೆಳಿಯಿಡೈ"ಚಿತ್ರದ ಹಾಡುಗಳ ಮೂಲಕ ಎಲ್ಲರ ಮನೆ ಮಾತಾಗಿದೆ.ರೋಜಾ ನಂತರ ಬಿಡುಗಡೆಯಾದ ಬಾಂಬೆ ಚಿತ್ರ ಆಗಿನ ದಿನಗಳಲ್ಲಿ ಸೂಕ್ಷ್ಮ ಸಂಗತಿಯಾಗಿದ್ದ ಧರ್ಮ ಸಹಿಷ್ಣುತೆಯ ಕುರಿತಾಗಿತ್ತು,ಸಿನಿಮಾಟೋಗ್ರಫಿಗೆ ಹೆಚ್ಚು ಒತ್ತು ಕೊಡುತ್ತಿದ್ದ ಮಣಿರತ್ನಂ ನುರಿತ ತಂತ್ರಜ್ಞರಿಂದ ಅತ್ತ್ಯುತ್ತಮ ಕೆಲಸ ಹೊರ ತೆಗೆಯುವಲ್ಲಿ ನಿಸ್ಸೀಮ,ಮಣಿರತ್ನಂ ನಿರ್ದೇಶನದಲ್ಲಿ ಬಾಲು ಮಹೇಂದ್ರ,ಪಿ ಸಿ ಶ್ರೀರಾಮ್,ಸಂತೋಷ್ ಶಿವನ್,ರಾಜೀವ್ ಮೆನನ್ ಹಾಗೂ ರವಿ ವರ್ಮನ್ ರಂತಹ ದಿಗ್ಗಜರು ಚಿತ್ರಿಸಿದ ಕಣ್ಮನ ಸೆಳೆಯುವ ದೃಶ್ಯಗಳು ಉತ್ಕ್ರಷ್ಟ ಗುಣಮಟ್ಟದ್ದಾಗಿರುತ್ತದೆ. 
ಅಲ್ಲಿಯವರೆಗೂ ಪ್ರೇಮಕಥೆಗಳನ್ನು ಹೆಚ್ಚು ನಿರ್ದೇಶಿಸುತ್ತಿದ್ದ ಮಣಿರತ್ನಂ "ಇರುವರ್" ಚಿತ್ರದ ಮೂಲಕ ರಾಜಕೀಯ ಕಥಾಹಂದರವುಳ್ಳ ಚಿತ್ರವನ್ನು ತೆರೆಮೇಲೆ ತಂದರು,ಮೋಹನ್ ಲಾಲ್,ಪ್ರಕಾಶ್ ರೈ ಹಾಗೂ ಐಶ್ವರ್ಯ ರೈ ಮುಖ್ಯಭೂಮಿಕೆಯಲ್ಲಿದ್ದ ಈ ಚಿತ್ರ ಚಿತ್ರರಂಗದಲ್ಲಿ ಸಂಚಲನವನ್ನೇ ಮೂಡಿಸಿತ್ತು,ಈ ಚಿತ್ರ ದ್ರಾವಿಡ ಪಕ್ಷದ ಮುಖಂಡರಾದ ಕರುಣಾನಿಧಿ  ಹಾಗೂ ಎಂ ಜಿ ಆರ್ ರ ರಾಜಕೀಯ ಏಳು ಬೀಳುಗಳ ಕುರಿತಾಗಿತ್ತೆಂಬುದು ವಿಶೇಷ,ಸಾಮಾಜಿಕ ಹಾಗೂ ರಾಜಕೀಯ ಕಥೆ ಮಿಶ್ರಣದ "ಕಣ್ಣಥಿಲ್ ಮುತ್ತಮ್ ಇಟ್ಟಾಲ್"  ಚಿತ್ರದ ಕಥೆ ತಂದೆ ತಾಯಿ,ಮಗಳು ಹಾಗೂ ಎಲ್ ಟಿ ಟಿ ಇ ನಾಯಕಿಯ ಸುತ್ತ ಸುತ್ತುತ್ತದೆ, ದತ್ತು ಪಡೆದ ಮಗಳಿಗೆ ತನ್ನ ನಿಜವಾದ ಅಮ್ಮನ ಬಗ್ಗೆ ತಿಳಿದಾಗ ಆಗುವ ಭಾವನೆಗಳ ಸಂಘರ್ಷಣೆಯನ್ನು ತೆರೆಯ ಮೇಲೆ ಅಚ್ಚುಕಟ್ಟಾಗಿ ತೋರಿಸಲಾಗಿದೆ.ಪ್ರೀತಿ,ಪ್ರೇಮ ಹಾಗೂ ವಿವಾಹದ ನವಿರಾದ ಎಳೆಯಿಂದ ಎಣೆದ ಮತ್ತೊಂದು ಚಿತ್ರ ಅಲೈಪಾಯುದೆ,ಪ್ರೀತಿಸಿ ವಿವಾಹವಾಗುವ ಪ್ರೇಮಿಗಳ ನಡುವಿನ ಸಣ್ಣ ಸಣ್ಣ ಮನಸ್ತಾಪಗಳ ಪ್ರಸ್ತಾವನೆ ಈ ಚಿತ್ರದ ಮೂಲ ಆಧಾರ. 
ಸಾಮಾಜಿಕ ಬದಲಾವಣೆಗಳಲ್ಲಿ ತೊಡಗಿರುವ ಯುವಕರ ಕುರಿತಾದ ಚಿತ್ರ "ಯುವ",ಕ್ರೂರ ವ್ಯವಸ್ಥೆಯ ವಿರುದ್ಧ ಸಿಡಿದೇಳುವ ಕಥಾ ನಾಯಕ, ನಾಯಕನನ್ನು ಹಿಂಬಾಲಿಸುವ ಯುವ ಪಡೆ, ಖಳನಾಯಕನನ್ನು ಸಮರ್ಥವಾಗಿ ಎದುರಿಸಿ ಯಶಸ್ವಿ ಆಗುವ ನಾಯಕನ ಯಶೋಗಾದೆ,ಈ ಚಿತ್ರದಲ್ಲಿ ನಾಯಕನನ್ನು ಇಷ್ಟಪಡುವ ಪ್ರೇಕ್ಷಕ ಕೆಲವೊಮ್ಮೆ ಖಳನಾಯಕನ್ನು ಇಷ್ಟ ಪಡುವಂತಾಗುತ್ತಾನೆ,ಹಿನ್ನಲೆ ಸಂಗೀತ ಹಾಗೂ ಹಾಡುಗಳು ಇದಕ್ಕೆ ಕಾರಣ.ಒಬ್ಬ ಸಾಮಾನ್ಯ ವ್ಯಕ್ತಿ ಯಶಸ್ವಿ ಉದ್ಯಮಿ ಆಗಿ ರೂಪುಗೊಳ್ಳುವ ಕಥೆಯನ್ನು ಆಧಾರವಾಗಿಟ್ಟುಕೊಂಡು ಚಿತ್ರಿಸಿದ ಚಿತ್ರ 'ಗುರು', ತನ್ನ ಏಳ್ಗೆಗಾಗಿ ವ್ಯಕ್ತಿ ಏನೆಲ್ಲಾ ಮಾಡಬಲ್ಲ,ಮುಳ್ಳನ್ನು ಸಹ ಹೂವಾಗಿ ಪರಿವರ್ತಿಸಬಲ್ಲ ಚಾಣಾಕ್ಷ ಉದ್ಯಮಿಯ ಕಥೆ ತೆರೆಯ ಮೇಲೆ ಅದ್ಬುತವಾಗಿಯೇ ಮೂಡಿಬಂದಿದೆ.ಗುರು ಚಿತ್ರದ ನಂತರ ತೆರೆ ಕಂಡ ರಾವಣ್ ಹಾಗೂ ಕಡಲ್ ಚಿತ್ರಗಳು ವಾಣಿಜ್ಯಾತ್ಮಕ ದೃಷ್ಟಿಯಲ್ಲಿ ಸೋತಿದ್ದರೂ ಆ ಚಿತ್ರದ ಹಾಡುಗಳು ಹಾಗೂ ಸಿನೆಮ್ಯಾಟೋಗ್ರಾಫಿ ಉತ್ತಮ ಗುಣಮಟ್ಟದಾಗಿತ್ತು,ಈ ೩೪ ವರ್ಷಗಳಲ್ಲಿ ಮಣಿರತ್ನಂ ನಿರ್ದೇಶಿಸಿರುವ ಚಿತ್ರಗಳು ೨೫,೨೫ ನೇ ಚಿತ್ರ ಕಾಟ್ರು ವೇಳಿಯಿಡೈ ಈಗಷ್ಟೇ ಬಿಡುಗಡೆ ಆಗಿದ್ದು ಪ್ರೇಕ್ಷಕರನ್ನು ರಂಜಿಸುತ್ತಿದೆ. ಭಾರತ ಚಿತ್ರರಂಗ ಕಂಡ ಅತ್ಯುತ್ತಮ ನಿರ್ದೇಶಕ ಮಣಿರತ್ನಂಗೆ ಶುಭ ಹಾರೈಕೆಗಳು 

ಸುಪ್ರೀತ್ 

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

"ವಿಶ್ವದೆಲ್ಲೆಡೆ ವ್ಯಾಪಕವಾಗಿ ಹರಡುತ್ತಿರುವ ಯೋಗ"

ಇಮೇಜ್
ಭಾರತೀಯ ಸಂಸ್ಕೃತಿಯಲ್ಲಿ ಸಾವಿರಾರು ವರ್ಷಗಳಿಂದ ಯೋಗವನ್ನು ಅಭ್ಯಾಸ ಮಾಡಿಕೊಂಡು ಬರಲಾಗುತ್ತಿದೆ,ಆದಿಯೋಗಿ ಎಂದೇ ಕರೆಯಲ್ಪಡುವ ಶಿವನು ಸಪ್ತರ್ಷಿಗಳಿಗೆ ಯೋಗದ ಕುರಿತಾದ ಶ್ರೇಷ್ಠ ಬೋಧನೆಗಳನ್ನು ಮಾಡುತ್ತಾನೆ ಹಾಗೂ ಅದನ್ನು ಕಲಿತ ಸಪ್ತರ್ಷಿಗಳು ಇತರರಿಗೆ ಯೋಗ ವಿದ್ಯೆಯ ವಿಚಾರಧಾರೆ ಎರೆಯುತ್ತಾರೆ, ಹೀಗೆ ಶಿವನಿಂದ ಶುರುವಾದ ಯೋಗವು ಋಷಿ ಮುನಿಗಳ ಮೂಲಕ ಅಸಂಖ್ಯಾತ ಯೋಗ ಪಟುಗಳನ್ನು ತಲುಪುತ್ತದೆ, ವಿಶ್ವಕ್ಕೆ ಭಾರತ ನೀಡಿರುವ ಅಮೂಲ್ಯಾಗ್ರ ಕೊಡುಗೆಗಳಲ್ಲಿ ಯೋಗವು ಸಹ ಒಂದು, ಯೋಗದಿಂದ ಉಂಟಾಗುವ ಸತ್ಪರಿಣಾಮಗಳನ್ನು ಅರಿತ ವಿದೇಶಿಯರು ಯೋಗದೆಡೆಗೆ ಸೆಳೆಯಲ್ಪಟ್ಟರು, ಭಾರತದಲ್ಲಿ ಯೋಗ ಕಲಿತ ಹಲವಾರು ಯೋಗ ಸಾಧಕರು ವಿದೇಶಗಳಿಗೆ ತೆರಳಿ ಯೋಗವನ್ನು ಪ್ರಸರಿಸಿ ವಿದೇಶಿಯರ ಮೆಚ್ಚುಗೆಗೆ ಪಾತ್ರವಾಗುತ್ತಾರೆ, ಭಾರತ ಸ್ವಾತಂತ್ರ್ಯ ಪಡೆದ ೫೮ ವರ್ಷಗಳ ತರುವಾಯ ವಿಶ್ವದೆಲ್ಲೆಡೆ ಜೂನ್ ೨೧ ರಂದು ಅಂತರರಾಷ್ಟೀಯ ಯೋಗ ದಿನವನ್ನು ಸಂಭ್ರಮದಿಂದ ಆಚರಿಸಲಾಗುತ್ತದೆ, ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ೨೦೧೪ ರ ಸೆಪ್ಟೆಂಬರ್ ನಲ್ಲಿ ಈ ಕುರಿತಾದ ಪ್ರಸ್ತಾವನೆಯನ್ನು ಯುನೈಟೆಡ್ ನೇಷನ್ಸ್ ನ ಸಭೆಯಲ್ಲಿ ಮಂಡನೆ ಮಾಡುತ್ತದೆ, ವಿಶ್ವದ ೧೭೦ ಕ್ಕೂ ಹೆಚ್ಚು ರಾಷ್ಟ್ರಗಳು ಇದಕ್ಕೆ ಸಮ್ಮತಿಯನ್ನು ಸೂಚಿಸುವ ಮೂಲಕ ಯೋಗ ದಿನಾಚರಣೆಗೆ ಹಸಿರು ನಿಶಾನೆ ತೋರಿಸುತ್ತದೆ, ಪಂಚಾಂಗಗಳ ಪ್ರಕಾರ ಈ ದಿನವೇ ಶಿವನು ಯೋಗವನ್ನು ಹೇಳಿಕೊಡುವ ಪ್ರಕ್ರಿಯೆ ಶುರು ...
ಇನ್ನಷ್ಟು ಓದಿ

ದೀಪಾವಳಿ,ಶ್ರೀ ಕೃಷ್ಣ ಜನ್ಮಾಷ್ಟಮಿ,ಕಾಳಿ ಪೂಜೆ ಹಾಗೂ ಗಣೇಶ ಚತುರ್ಥಿ ಆಚರಣೆಗೇಕೆ ವಿರೋಧ ??

ಇಮೇಜ್
ಹಿಂದೂಗಳ ಪಾಲಿಗೆ ದೊಡ್ಡ ಹಬ್ಬವಾದ ದೀಪಾವಳಿ ಇನ್ನೇನು ಕೆಲವೇ ದಿನಗಳಲ್ಲಿ ಬರಲಿದೆ, ಹಬ್ಬದ ಸಿದ್ಧತೆ ಎಲ್ಲೆಡೆ ಜೋರಾಗಿಯೇ ನಡೆಯುತ್ತಿದೆ, ಹಬ್ಬ ಆಚರಿಸಲು ಸಿದ್ಧರಿದ್ದ ದೆಹಲಿಯ ಜನರಿಗೆ ಸುಪ್ರೀಂ ಕೋರ್ಟ್ ದೊಡ್ಡ ಶಾಕ್ ನೀಡಿದೆ, ಪಟಾಕಿಗಳನ್ನು ನಿಷೇಧಿಸುವ ಸುಪ್ರೀಂ ಕೋರ್ಟ್ ನ ನಿಯಮ ಈಗಾಗಲೇ ಬಹಳಷ್ಟು ಜನರ ಕೆಂಗಣ್ಣಿಗೆ ಗುರಿಯಾಗಿದೆ, ಸಾವಿರಾರು ವರ್ಷಗಳಿಂದ ನಮ್ಮ ದೇಶದಲ್ಲಿ ದೀಪಾವಳಿ ಹಬ್ಬವನ್ನು ಆಚರಿಸಿಕೊಂಡು ಬರಲಾಗುತ್ತಿದೆ, ದೀಪಾವಳಿ ಅಂದರೆ ನಮಗೆ ನೆನಪಾಗುವುದು ಆನೆ ಪಟಾಕಿ, ಲಕ್ಷ್ಮಿ ಪಟಾಕಿ, ಬಾಂಬ್, ೧೦೦ ವಾಲಾ, ೧೦೦೦ ವಾಲಾ,ಸುರು ಸುರು ಬತ್ತಿ, ಮತಾಪು, ಸೆವೆನ್ ಶಾಟ್ಸ ಹಾಗೂ ಇತರ ಪಟಾಕಿ ಗಳು, ದೀಪಾವಳಿ ಹಾಗೂ ಬಾಲ್ಯದ ನಡುವಿನ ಸಂಬಂಧ ಅದ್ಭುತವಾದದ್ದು, ಅಪ್ಪನ ನೆರವಿನಿಂದಲೋ, ಮಾವನ ನೆರವಿನಿಂದಲೋ, ಸ್ನೇಹಿತನ ನೆರವಿನಿಂದಲೋ ಪಟಾಕಿ ಹೊಡೆದಿದ್ದ ದಿನಗಳನ್ನು ಹೇಗೆ ತಾನೆ ಮರೆಯಲು ಸಾಧ್ಯ, ಪಟಾಕಿ ಪೆಟ್ಟಿಗೆಗಾಗಿ ಅಪ್ಪನೊಂದಿಗೆ ಹಾಗೂ ತಾತನೊಂದಿಗೆ ಕಚ್ಚಾಡಿದ ಕ್ಷಣಗಳು ನೆನಪಿನ ಪುಟದಿಂದ ದೂರ ಸರಿಯಲಾರದಂತದ್ದು, ಪಕ್ಕದ ಮನೆಯ ಸ್ನೇಹಿತ ಹೆಚ್ಚು ಪಟಾಕಿ ಹೊಡೆಯುತಿರುವುದನ್ನು ಕಂಡು ಹೊಟ್ಟೆ ಉರಿದುಕೊಂಡವರ ಪಟ್ಟಿ ಏನು ಕಡಿಮೆಯೇ ?? ದೀಪಾವಳಿ ಹಬ್ಬ ಬಂತೆಂದರೆ ಮನೆ ಮಂದಿಗಳೆಲ್ಲ ಒಟ್ಟಾಗಿ ಸೇರುತ್ತಿದ್ದರು, ಅಭ್ಯಂಜನ ಸ್ನಾನ ( ಎಣ್ಣೆ ಸ್ನಾನ ) ದೊಂದಿಗೆ ಹಬ್ಬ ಆರಂಭವಾಗುತ್ತಿತ್ತು ,ದೀಪಾವಳಿಗೆಂದೇ ತಯಾರಿಸಿದ್...
ಇನ್ನಷ್ಟು ಓದಿ

ರಾಷ್ಟ್ರಗೀತೆ ಪ್ರಸಾರವಾಗುವ ವೇಳೆ ಎದ್ದು ನಿಂತು ಗೌರವಿಸುವುದನ್ನು ಸಹ ಹೇಳಿಕೊಡಬೇಕೆ ಸ್ವಾಮಿ ???

ಇಮೇಜ್
ಕಳೆದ ಕೆಲ ತಿಂಗಳಿಂದ ಚಲನಚಿತ್ರ ಮಂದಿರಗಳಲ್ಲಿ ರಾಷ್ಟ್ರಗೀತೆಯನ್ನು ಚಲನಚಿತ್ರ ಶುರುವಾಗುವ ಮುನ್ನ ಪ್ರಸಾರ ಮಾಡಲಾಗುತ್ತಿದೆ, ರಾಷ್ಟ್ರಗೀತೆ ಪ್ರಸಾರವಾಗುವ ಸಮಯದಲ್ಲಿ ಎದ್ದು ನಿಲ್ಲಬೇಕೆ ಎಂಬ ಚರ್ಚೆ ಕೂಡ ಬಹಳಷ್ಟು ಸಮಯದಿಂದ ನಡೆಯುತ್ತಿದೆ, ನಾಲ್ಕು ದಿನಗಳ ಹಿಂದೆ ಸುಪ್ರೀಂ ಕೋರ್ಟ್ ಈ ಕುರಿತಾಗಿ ಮಹತ್ವವಾದ ತೀರ್ಪೊಂದನ್ನು ನೀಡಿತು, ಆ ತೀರ್ಪು ಏನೆಂದರೆ ರಾಷ್ಟ್ರಗೀತೆ ಪ್ರಸಾರವಾಗುವ ಸಮಯದಲ್ಲಿ ಎದ್ದು ನಿಲ್ಲಬೇಕೆಂಬೆದು ಕಡ್ಡಾಯವೇನಲ್ಲ, ಅವರವರ ಇಷ್ಟಕ್ಕೆ ಬಿಟ್ಟಿದ್ದು !!  ರಾಷ್ಟ್ರಗೀತೆ ಪ್ರಸಾರವಾಗುವ ವೇಳೆ ವ್ಯಕ್ತಿ ಕುಳಿತ್ತಿದ್ದರೆ ಆ ವ್ಯಕ್ತಿಗೆ ರಾಷ್ಟಪ್ರೇಮವಿಲ್ಲ ಎಂಬ ಗ್ರಹಿಕೆ ತಪ್ಪು ಎನ್ನುವುದು ಸುಪ್ರೀಂ ಕೋರ್ಟ್ ನ್ಯಾಯಾಧೀಶರ ಅಂಬೋಣ, ಈ ತೀರ್ಪು ಹೊರಬಂದ ಕೂಡಲೇ ಪರ ಹಾಗೂ ವಿರೋಧಗಳು ವ್ಯಕ್ತವಾದವು,ದೇಶಪ್ರೇಮದ ಕಥಾ ಹಂದರವುಳ್ಳ ಚಲನಚಿತ್ರಗಳಲ್ಲಿ ಅಭಿನಯಿಸಿರುವ ಕಮಲ್ ಹಾಸನ್ ಈ ತೀರ್ಪಿನ ಕುರಿತಾಗಿ ಪ್ರತಿಕ್ರಿಯಿಸುತ್ತಾ " ಸುಪ್ರೀಂ ಕೋರ್ಟ್ ನ ತೀರ್ಮಾನವನ್ನು ಸ್ವಾಗತಿಸುತ್ತೇನೆ, ಸಿಂಗಾಪುರ್ ಅಲ್ಲಿ ರಾತ್ರಿಯ ವೇಳೆ ರಾಷ್ಟ್ರಗೀತೆ ಪ್ರಸಾರ ಮಾಡಲಾಗುತ್ತದೆ, ನಮ್ಮ ರಾಷ್ಟ್ರ ಗೀತೆಯನ್ನು ಸಹ ದೂರದರ್ಶನದಲ್ಲಿ ಮಧ್ಯರಾತ್ರಿಯ ಸಮಯದಲ್ಲಿ ಪ್ರಸಾರ ಮಾಡಲಿ, ನನ್ನ ದೇಶಭಕ್ತಿಯನ್ನು ವಿವಿಧ ಸ್ಥಳಗಳಲ್ಲಿ ಹಾಗೂ ವಿವಿಧ ವೇಳೆಗಳಲ್ಲಿ ಪರೀಕ್ಷಿಸಬೇಡಿ " ಎಂದರು,  ರಾಷ್ಟ್ರಗೀತೆ  ಪ್ರಸಾರವಾಗುವ  ವೇಳೆ ಎದ್ದು...
ಇನ್ನಷ್ಟು ಓದಿ