"ವಿವಾದಕ್ಕೀಡಾಗಯತ್ತಿರುವ ಪ್ರತಿಷ್ಠಿತರ ಹೇಳಿಕೆಗಳು"

"ವಿವಾದಕ್ಕೀಡಾಗುತ್ತಿರುವ ಪ್ರತಿಷ್ಠಿತರ ಹೇಳಿಕೆಗಳು":



ಕಳೆದ ಒಂದು ವಾರದಿಂದ ಪ್ರತಿಷ್ಠಿತ ವ್ಯಕ್ತಿಗಳು ನೀಡುತ್ತಿರುವ ಹೇಳಿಕೆಗಳು ಅಪಾರ ವಿವಾದಕ್ಕೆ ಒಳಗಾಗುತ್ತಿದೆ, ಕಾಶ್ಮೀರದಲ್ಲಿ ಕಿಡಿಗೇಡಿಗಳು ಸೈನಿಕರ ಮೇಲೆ ಕಲ್ಲು ತೂರುತ್ತಿರುವ ಹಾಗೂ ಹಲ್ಲೆ ಮಾಡುತ್ತಿರುವ ದೃಶ್ಯಾವಳಿಗಳು ಅಂತರ್ಜಾಲದಲ್ಲಿ ಹರಿದಾಡುತ್ತಿದ್ದು, ಭಾರತೀಯ ಪ್ರಜೆಗಳು ಇದನ್ನು ಕಂಡು ಉರಿದುಬಿದ್ದಿದ್ದಾರೆ, ನಮ್ಮ ದೇಶದ ಸೈನಿಕರಿಂದ ಸಕಲ ಸಹಾಯವನ್ನು ಅಪೇಕ್ಷಿಸುವ ಕಾಶ್ಮೀರದ ಕೆಲ ರಾಷ್ಟ್ರದ್ರೋಹಿಗಳ ಈ ನೀಚ ನಡೆ ಖಂಡನಾರ್ಹ. ಪ್ರತ್ಯೇಕವಾದಿಗಳ ಈ ನಡೆಯನ್ನು ಟೀಕಿಸುತ್ತಾ 'ಗೌತಮ್ ಗಂಭೀರ್' ಹೀಗೆ ನುಡಿದರು " ನಮ್ಮ ಜವಾನರ ಮೇಲೆ ಬೀಳುವ ಒಂದೊಂದು ಏಟಿಗೆ ಪ್ರತಿಯಾಗಿ ನೂರು ಜಿಹಾದಿಗಳ ತಲೆ ಉರುಳುತ್ತದೆ, ಆಜಾದಿದೆಗಳೇ ದೇಶಬಿಟ್ಟು ತೊಲಗಿ,ಕಶ್ಮೀರ ನಮ್ಮದು". ಈ ಹೇಳಿಕೆ ಹೊರಬರುತ್ತಿದ್ದಂತೆ 'ಬರ್ಖಾ ದತ್, ಸಾಗರಿಕ ಹಾಗೂ ರಾಣಾ ಅಯೂಬ್' ರಂತಹ ಪತ್ರಕರ್ತರು ಗಂಭೀರ್ ಮೇಲೆ ಮುಗಿಬಿದ್ದರು, ದೇಶದ್ರೋಹಿಗಳ ಪರ ವಕಾಲತ್ತು ವಹಿಸುವುದು ಈ ಪತ್ರಕರ್ತರ ಆದ್ಯ ಕರ್ತವ್ಯವೇ ಆಗಿರುವಾಗ ಇವರಿಂದ ಇನ್ನೇನನ್ನು ತಾನೇ ಆಪೇಕ್ಷಿಸಲಾದೀತು?? ದೇಶದ ಪರ ಮಾತನಾಡಿದ ಗೌತಮ್ ಗೆ ಎದುರಾದ ವಿರೋಧ ಹಲವು ದೇಶಭಕ್ತರನ್ನು ಕೆರಳಿಸಿದ್ದಂತೂ ನಿಜ. ಗಂಭೀರ್ ಹೇಳಿಕೆ ನೀಡುತ್ತಿದ್ದಂತೆ ಅದರ ಪರ ನಿಂತಿದ್ದು ಭಾರತದ ಮತ್ತೊಬ್ಬ ಆಟಗಾರ 'ವಿರೇಂದ್ರ್ ಸೆಹ್ವಾಗ್', ಆಟದ ಮೈದಾನದಲ್ಲಿ ಎದುರಾಳಿಗಳಿಗೆ ಬ್ಯಾಟ್ ಮೂಲಕ ಪ್ರತಿಕ್ರಿಯುಸುತ್ತಿದ್ದ ಈ ಆಟಗಾರರು ಇತ್ತೀಚಿನ ದಿನಗಳಲ್ಲಿ ದೇಶದ್ರೋಹಿಗಳ ವಿರುದ್ಧ ಬ್ಯಾಟ್ ಬೀಸುವುದರ ಮೂಲಕ ಸುದ್ಧಿಯಲ್ಲಿದ್ದಾರೆ .

ಸ್ನ್ಯಾಪ್ ಚಾಟ್ ಸಂಸ್ಥೆ ಭಾರತೀಯರನ್ನು ಬಡವರು ಎಂದು ಟೀಕಿಸಿದನ್ನು ಖಂಡಿಸಿ ಖ್ಯಾತ ಗಾಯಕ 'ಅದ್ನಾನ್ ಸಾಮಿ'   ಸ್ನ್ಯಾಪ್ ಚಾಟ್ ಅನ್ನು ತಮ್ಮ ಚೂಟಿಯುಲಿ(ಸ್ಮಾರ್ಟ್ ಪೋನ್) ಯಿಂದ ನಿಷ್ಷ್ಕ್ರಿಯಗೊಳಿಸುವ ಮೂಲಕ ತಮ್ಮ ಅತೃಪ್ತಿಯನ್ನು ಹೊರ ಹಾಕಿದರು,ಭಾರತವನ್ನು ಬೆಂಬಲಿಸಿದ ಅದ್ನಾನ್ ಸಾಮಿಯ ವಿರುದ್ಧ  ಕುಪಿತಗೊಂಡ ಕೆಲ ಪಾಕಿಸ್ತಾನಿಗಳು
ಸಾಮಾಜಿಕ ಜಾಲತಾಣಗಳಲ್ಲಿ ಸಾಮಿಯನ್ನು ಟೀಕಿಸಿದರು, ನಾನು ವಿರೋಧಿಸಿದ್ದು ಪಾಕಿಸ್ತಾನವನ್ನಲ್ಲ ಸ್ನಾಪ್ ಚಾಟ್ ಅನ್ನು ,ಅದಕ್ಕಾಗಿ ನೀವು ಭಾವುಕರಾಗಬೇಕಿಲ್ಲವೆಂದು ಹೇಳುವ ಮೂಲಕ ಸಾಮಿ ಪಾಕಿಸ್ತಾನಿಗಳ ಕಾಲೆಳೆದರು, ಪಾಕಿಸ್ತಾನ ಮೂಲದ ಗಾಯಕ ಭಾರತದ ಪರ ಮಾತಾಡಿದ್ದು ಪಾಕಿಗಳಿಗೆ ನುಂಗಲಾರದ ತುತ್ತಾಗಿಯೇ ಪರಿಣಮಿಸಿದೆ.

ಬೆಳಿಗ್ಗೆ ಸಮಯದಲ್ಲಿ ಪ್ರಾರ್ಥನೆಯ ಸಲುವಾಗಿ ಕೇಳಿಬರುವ ಧ್ವನಿವರ್ಧಕದ ಸದ್ದು ಎಲ್ಲರ ನಿದ್ದೆಯನ್ನೇಕೆ ಕೆಡಿಸಬೇಕು, ಮುಸಲ್ಮಾನರಲ್ಲದವರು ಏಕೆ ಅದಕ್ಕಾಗಿ ಎಚ್ಚರವಾಗಬೇಕು?? ಈ ರೀತಿಯ ಬಲಾತ್ಕಾರದ ಪ್ರಕ್ರಿಯೆ ಎಷ್ಟು ಸರಿ ಎಂದು ಪ್ರಶ್ನಿಸಿದ 'ಸೋನು ನಿಗಂ' ಅವರ ಹೇಳಿಕೆ ಸಹ ವಿವಾದಕ್ಕೀಡಾಯ್ತು, ಸುದ್ದಿ ವಾಹಿನಿಯೊಂದರ ಚರ್ಚೆಯಲ್ಲಿ ಈ ವಿಷಯ ಪ್ರಸ್ತಾಪವಾಯಿತು,ಸೋನು ನಿಗಂ ಪರ ವಹಿಸಿದ 'ವಿವೇಕ್ ಅಗ್ನಿಹೋತ್ರಿ' ಎಂಬ ನಿರ್ದೇಶಕನಿಗೆ 'ಜಕ್ಕಾ ಜೇಕಬ್' ಎಂಬಾತ  'ನೀವೇಕೆ ಮಸೀದಿ ಬಳಿ ಇದ್ದೀರಾ?? ನಿಮ್ಮ ಮನೆಯನ್ನು ಸ್ಥಳಾಂತರಿಸಿ ಬಿಡಿ' ಎಂದು ಬಿಟ್ಟ!! ಅಭಿವ್ಯಕ್ತಿ ಸ್ವಾತಂತ್ರ್ಯದ ಬಗ್ಗೆ ಪುಟಗಟ್ಟಲೆ ಮಾತನಾಡುವ ಜನ ಇಂತಹ ಸಂದರ್ಭಗಳಲ್ಲಿ ಮೌನಕ್ಕೆ ಶರಣಾಗಿರುವುದನ್ನು ಕಂಡರೆ ಬೇಸರವಾಗದೆ ಇರದು.
ಸುಪ್ರೀತ್

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

"ವಿಶ್ವದೆಲ್ಲೆಡೆ ವ್ಯಾಪಕವಾಗಿ ಹರಡುತ್ತಿರುವ ಯೋಗ"

ಇಮೇಜ್
ಭಾರತೀಯ ಸಂಸ್ಕೃತಿಯಲ್ಲಿ ಸಾವಿರಾರು ವರ್ಷಗಳಿಂದ ಯೋಗವನ್ನು ಅಭ್ಯಾಸ ಮಾಡಿಕೊಂಡು ಬರಲಾಗುತ್ತಿದೆ,ಆದಿಯೋಗಿ ಎಂದೇ ಕರೆಯಲ್ಪಡುವ ಶಿವನು ಸಪ್ತರ್ಷಿಗಳಿಗೆ ಯೋಗದ ಕುರಿತಾದ ಶ್ರೇಷ್ಠ ಬೋಧನೆಗಳನ್ನು ಮಾಡುತ್ತಾನೆ ಹಾಗೂ ಅದನ್ನು ಕಲಿತ ಸಪ್ತರ್ಷಿಗಳು ಇತರರಿಗೆ ಯೋಗ ವಿದ್ಯೆಯ ವಿಚಾರಧಾರೆ ಎರೆಯುತ್ತಾರೆ, ಹೀಗೆ ಶಿವನಿಂದ ಶುರುವಾದ ಯೋಗವು ಋಷಿ ಮುನಿಗಳ ಮೂಲಕ ಅಸಂಖ್ಯಾತ ಯೋಗ ಪಟುಗಳನ್ನು ತಲುಪುತ್ತದೆ, ವಿಶ್ವಕ್ಕೆ ಭಾರತ ನೀಡಿರುವ ಅಮೂಲ್ಯಾಗ್ರ ಕೊಡುಗೆಗಳಲ್ಲಿ ಯೋಗವು ಸಹ ಒಂದು, ಯೋಗದಿಂದ ಉಂಟಾಗುವ ಸತ್ಪರಿಣಾಮಗಳನ್ನು ಅರಿತ ವಿದೇಶಿಯರು ಯೋಗದೆಡೆಗೆ ಸೆಳೆಯಲ್ಪಟ್ಟರು, ಭಾರತದಲ್ಲಿ ಯೋಗ ಕಲಿತ ಹಲವಾರು ಯೋಗ ಸಾಧಕರು ವಿದೇಶಗಳಿಗೆ ತೆರಳಿ ಯೋಗವನ್ನು ಪ್ರಸರಿಸಿ ವಿದೇಶಿಯರ ಮೆಚ್ಚುಗೆಗೆ ಪಾತ್ರವಾಗುತ್ತಾರೆ, ಭಾರತ ಸ್ವಾತಂತ್ರ್ಯ ಪಡೆದ ೫೮ ವರ್ಷಗಳ ತರುವಾಯ ವಿಶ್ವದೆಲ್ಲೆಡೆ ಜೂನ್ ೨೧ ರಂದು ಅಂತರರಾಷ್ಟೀಯ ಯೋಗ ದಿನವನ್ನು ಸಂಭ್ರಮದಿಂದ ಆಚರಿಸಲಾಗುತ್ತದೆ, ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ೨೦೧೪ ರ ಸೆಪ್ಟೆಂಬರ್ ನಲ್ಲಿ ಈ ಕುರಿತಾದ ಪ್ರಸ್ತಾವನೆಯನ್ನು ಯುನೈಟೆಡ್ ನೇಷನ್ಸ್ ನ ಸಭೆಯಲ್ಲಿ ಮಂಡನೆ ಮಾಡುತ್ತದೆ, ವಿಶ್ವದ ೧೭೦ ಕ್ಕೂ ಹೆಚ್ಚು ರಾಷ್ಟ್ರಗಳು ಇದಕ್ಕೆ ಸಮ್ಮತಿಯನ್ನು ಸೂಚಿಸುವ ಮೂಲಕ ಯೋಗ ದಿನಾಚರಣೆಗೆ ಹಸಿರು ನಿಶಾನೆ ತೋರಿಸುತ್ತದೆ, ಪಂಚಾಂಗಗಳ ಪ್ರಕಾರ ಈ ದಿನವೇ ಶಿವನು ಯೋಗವನ್ನು ಹೇಳಿಕೊಡುವ ಪ್ರಕ್ರಿಯೆ ಶುರು ...
ಇನ್ನಷ್ಟು ಓದಿ

ದೀಪಾವಳಿ,ಶ್ರೀ ಕೃಷ್ಣ ಜನ್ಮಾಷ್ಟಮಿ,ಕಾಳಿ ಪೂಜೆ ಹಾಗೂ ಗಣೇಶ ಚತುರ್ಥಿ ಆಚರಣೆಗೇಕೆ ವಿರೋಧ ??

ಇಮೇಜ್
ಹಿಂದೂಗಳ ಪಾಲಿಗೆ ದೊಡ್ಡ ಹಬ್ಬವಾದ ದೀಪಾವಳಿ ಇನ್ನೇನು ಕೆಲವೇ ದಿನಗಳಲ್ಲಿ ಬರಲಿದೆ, ಹಬ್ಬದ ಸಿದ್ಧತೆ ಎಲ್ಲೆಡೆ ಜೋರಾಗಿಯೇ ನಡೆಯುತ್ತಿದೆ, ಹಬ್ಬ ಆಚರಿಸಲು ಸಿದ್ಧರಿದ್ದ ದೆಹಲಿಯ ಜನರಿಗೆ ಸುಪ್ರೀಂ ಕೋರ್ಟ್ ದೊಡ್ಡ ಶಾಕ್ ನೀಡಿದೆ, ಪಟಾಕಿಗಳನ್ನು ನಿಷೇಧಿಸುವ ಸುಪ್ರೀಂ ಕೋರ್ಟ್ ನ ನಿಯಮ ಈಗಾಗಲೇ ಬಹಳಷ್ಟು ಜನರ ಕೆಂಗಣ್ಣಿಗೆ ಗುರಿಯಾಗಿದೆ, ಸಾವಿರಾರು ವರ್ಷಗಳಿಂದ ನಮ್ಮ ದೇಶದಲ್ಲಿ ದೀಪಾವಳಿ ಹಬ್ಬವನ್ನು ಆಚರಿಸಿಕೊಂಡು ಬರಲಾಗುತ್ತಿದೆ, ದೀಪಾವಳಿ ಅಂದರೆ ನಮಗೆ ನೆನಪಾಗುವುದು ಆನೆ ಪಟಾಕಿ, ಲಕ್ಷ್ಮಿ ಪಟಾಕಿ, ಬಾಂಬ್, ೧೦೦ ವಾಲಾ, ೧೦೦೦ ವಾಲಾ,ಸುರು ಸುರು ಬತ್ತಿ, ಮತಾಪು, ಸೆವೆನ್ ಶಾಟ್ಸ ಹಾಗೂ ಇತರ ಪಟಾಕಿ ಗಳು, ದೀಪಾವಳಿ ಹಾಗೂ ಬಾಲ್ಯದ ನಡುವಿನ ಸಂಬಂಧ ಅದ್ಭುತವಾದದ್ದು, ಅಪ್ಪನ ನೆರವಿನಿಂದಲೋ, ಮಾವನ ನೆರವಿನಿಂದಲೋ, ಸ್ನೇಹಿತನ ನೆರವಿನಿಂದಲೋ ಪಟಾಕಿ ಹೊಡೆದಿದ್ದ ದಿನಗಳನ್ನು ಹೇಗೆ ತಾನೆ ಮರೆಯಲು ಸಾಧ್ಯ, ಪಟಾಕಿ ಪೆಟ್ಟಿಗೆಗಾಗಿ ಅಪ್ಪನೊಂದಿಗೆ ಹಾಗೂ ತಾತನೊಂದಿಗೆ ಕಚ್ಚಾಡಿದ ಕ್ಷಣಗಳು ನೆನಪಿನ ಪುಟದಿಂದ ದೂರ ಸರಿಯಲಾರದಂತದ್ದು, ಪಕ್ಕದ ಮನೆಯ ಸ್ನೇಹಿತ ಹೆಚ್ಚು ಪಟಾಕಿ ಹೊಡೆಯುತಿರುವುದನ್ನು ಕಂಡು ಹೊಟ್ಟೆ ಉರಿದುಕೊಂಡವರ ಪಟ್ಟಿ ಏನು ಕಡಿಮೆಯೇ ?? ದೀಪಾವಳಿ ಹಬ್ಬ ಬಂತೆಂದರೆ ಮನೆ ಮಂದಿಗಳೆಲ್ಲ ಒಟ್ಟಾಗಿ ಸೇರುತ್ತಿದ್ದರು, ಅಭ್ಯಂಜನ ಸ್ನಾನ ( ಎಣ್ಣೆ ಸ್ನಾನ ) ದೊಂದಿಗೆ ಹಬ್ಬ ಆರಂಭವಾಗುತ್ತಿತ್ತು ,ದೀಪಾವಳಿಗೆಂದೇ ತಯಾರಿಸಿದ್...
ಇನ್ನಷ್ಟು ಓದಿ

ರಾಷ್ಟ್ರಗೀತೆ ಪ್ರಸಾರವಾಗುವ ವೇಳೆ ಎದ್ದು ನಿಂತು ಗೌರವಿಸುವುದನ್ನು ಸಹ ಹೇಳಿಕೊಡಬೇಕೆ ಸ್ವಾಮಿ ???

ಇಮೇಜ್
ಕಳೆದ ಕೆಲ ತಿಂಗಳಿಂದ ಚಲನಚಿತ್ರ ಮಂದಿರಗಳಲ್ಲಿ ರಾಷ್ಟ್ರಗೀತೆಯನ್ನು ಚಲನಚಿತ್ರ ಶುರುವಾಗುವ ಮುನ್ನ ಪ್ರಸಾರ ಮಾಡಲಾಗುತ್ತಿದೆ, ರಾಷ್ಟ್ರಗೀತೆ ಪ್ರಸಾರವಾಗುವ ಸಮಯದಲ್ಲಿ ಎದ್ದು ನಿಲ್ಲಬೇಕೆ ಎಂಬ ಚರ್ಚೆ ಕೂಡ ಬಹಳಷ್ಟು ಸಮಯದಿಂದ ನಡೆಯುತ್ತಿದೆ, ನಾಲ್ಕು ದಿನಗಳ ಹಿಂದೆ ಸುಪ್ರೀಂ ಕೋರ್ಟ್ ಈ ಕುರಿತಾಗಿ ಮಹತ್ವವಾದ ತೀರ್ಪೊಂದನ್ನು ನೀಡಿತು, ಆ ತೀರ್ಪು ಏನೆಂದರೆ ರಾಷ್ಟ್ರಗೀತೆ ಪ್ರಸಾರವಾಗುವ ಸಮಯದಲ್ಲಿ ಎದ್ದು ನಿಲ್ಲಬೇಕೆಂಬೆದು ಕಡ್ಡಾಯವೇನಲ್ಲ, ಅವರವರ ಇಷ್ಟಕ್ಕೆ ಬಿಟ್ಟಿದ್ದು !!  ರಾಷ್ಟ್ರಗೀತೆ ಪ್ರಸಾರವಾಗುವ ವೇಳೆ ವ್ಯಕ್ತಿ ಕುಳಿತ್ತಿದ್ದರೆ ಆ ವ್ಯಕ್ತಿಗೆ ರಾಷ್ಟಪ್ರೇಮವಿಲ್ಲ ಎಂಬ ಗ್ರಹಿಕೆ ತಪ್ಪು ಎನ್ನುವುದು ಸುಪ್ರೀಂ ಕೋರ್ಟ್ ನ್ಯಾಯಾಧೀಶರ ಅಂಬೋಣ, ಈ ತೀರ್ಪು ಹೊರಬಂದ ಕೂಡಲೇ ಪರ ಹಾಗೂ ವಿರೋಧಗಳು ವ್ಯಕ್ತವಾದವು,ದೇಶಪ್ರೇಮದ ಕಥಾ ಹಂದರವುಳ್ಳ ಚಲನಚಿತ್ರಗಳಲ್ಲಿ ಅಭಿನಯಿಸಿರುವ ಕಮಲ್ ಹಾಸನ್ ಈ ತೀರ್ಪಿನ ಕುರಿತಾಗಿ ಪ್ರತಿಕ್ರಿಯಿಸುತ್ತಾ " ಸುಪ್ರೀಂ ಕೋರ್ಟ್ ನ ತೀರ್ಮಾನವನ್ನು ಸ್ವಾಗತಿಸುತ್ತೇನೆ, ಸಿಂಗಾಪುರ್ ಅಲ್ಲಿ ರಾತ್ರಿಯ ವೇಳೆ ರಾಷ್ಟ್ರಗೀತೆ ಪ್ರಸಾರ ಮಾಡಲಾಗುತ್ತದೆ, ನಮ್ಮ ರಾಷ್ಟ್ರ ಗೀತೆಯನ್ನು ಸಹ ದೂರದರ್ಶನದಲ್ಲಿ ಮಧ್ಯರಾತ್ರಿಯ ಸಮಯದಲ್ಲಿ ಪ್ರಸಾರ ಮಾಡಲಿ, ನನ್ನ ದೇಶಭಕ್ತಿಯನ್ನು ವಿವಿಧ ಸ್ಥಳಗಳಲ್ಲಿ ಹಾಗೂ ವಿವಿಧ ವೇಳೆಗಳಲ್ಲಿ ಪರೀಕ್ಷಿಸಬೇಡಿ " ಎಂದರು,  ರಾಷ್ಟ್ರಗೀತೆ  ಪ್ರಸಾರವಾಗುವ  ವೇಳೆ ಎದ್ದು...
ಇನ್ನಷ್ಟು ಓದಿ